Søndag 10. mai 2026: Reis med «Stord I» til Salhus for å oppleve våren på Tekstilindustrimuseet og Salhus Tricotasjefabrik. Ta med deg «spøtet» og finn plass i strikkesalongane og «spøta» deg fram og tilbake i takt med dampmaskina sine mjuke maskinlydar!

«Strikk og mekanikk» med skip og i fabrikk!

SALHUS TRICOTAGEFABRIK helsar velkommen..........

Ta med deg «spøtet» og finn plass i strikkesalongane og «spøta» deg fram og tilbake i takt med dampmaskina sine mjuke maskinlydar!

Veterandampskipet «Stord I» har avgang Bergen/Vågen frå Shetlands Larsens brygge søndag 10. mai 2026 kl. 11.00 for å segle til Salhus med ankomst ca. kl. 12.00. Under opphaldet i Salhus fram til kl. 15.00, kan du oppleva utviklinga frå strikkepinnar til, for si tid, avanserte strikkemaskinar frå 1930/1950-talet. «Stord I» representerer ein dampskipsperiode for rutebåtar frå 1880 – 1960.

Båtbilletten for vaksne dekkar både båtturen og inngangsbillett til museet og foredrag.

«Strikk og mekanikk» med skip og i fabrikk!                                                                                                           Salhus Tricotagefabrik er eit freda kulturmiljø i Salhus. Fabrikken var i drift frå 1859 til 1989 og produserte strikka klede av god kvalitet – trikotasje betyr strikka stoff. I dag held Tekstilindustrimuseet til i fabrikklokala. På denne turen vil du få oppleve Salhus Tricotagefabrik, lære meir om klesproduksjonen i fabrikken og elles i verda. Kjenne karda ull mellom fingrane, høyre maskinstøyen, kjenne luktene i dei gamle lokala, utforske fabrikkstaden Salhus, og sjå utstilling med kunststudentar med fordjuping i tekstil, ved fakultet for kunst, musikk og design ved Universitetet i Bergen.

Møt Helle Siggerud!
Helle Siggerud er bunadsyerske, strikkedesignar og forfattar av to strikkebøker – og ein engasjert formidlar av handverk, tekstil og berekraft. Ho har blogga om søm og tekstil for mellom anna 1000 ideer, og held kurs og foredrag innan ulike handverkstradisjonar.
Med mottoet «Ta vare på det du har – eller lag noko du har lyst til å ta vare på» inspirerer Helle til meir medvitne val, både i skaparglede og garderobe. Foredrag som både inspirerer – og gjer deg klokare.

Kl. 11.15: Foredrag på båten: Frå idé til design
Korleis blir ein tanke til eit ferdig strikkedesign? Helle deler innsikt i arbeidsprosessen sin, fargar, inspirasjonskjelder og kreative val – eit foredrag proppfullt av inspirasjon!

Kl. 13.00: Foredrag på Spoleloftet, Tekstlindustrimuseet: Tekstil og berekraft
Her utfordrar Helle oss til å sjå garderoben med nye auge. Ho snakkar om materialval, tekstilindustriens skyggesider, og viser konkrete døme på korleis vi kan reparera, ta vare på og forlenga levetida til det vi allereie har.

Det vil i tillegg vere:

• Ope strikkeloft: Opplev strikkemaskiner frå 1930- og 1950-talet i drift kl. 12-13 og 14-15.
• Open smie: Demonstrasjon av produksjon i smia kl. 12-13 og 14-15.
• Aktivitetsbord: Aktivitetar for heile familien.
• 
  

I MUSEUMSBUTIKKEN                                                                                                                                            10 % av på varer som sokkar, skjerf, gensarar og bomullsplagg produsert på fabrikken. Loddtrekning av gåvekort kl. 14:30.

VÅRSTEMNING I KRONE KAFÉ 

Meny: Blings, skillingsbollar, kake. Kaffi/te, saft/juice.

VETERANDAMPSKIPET "STORD I"

Dampskipet «Stord I» vart bygd for Hardanger Sunnhordlandske Dampskipsselskap ved Laxevaag Maskin & Jernskipsbyggeri i 1913. Skipet gjekk i rute for reiarlaget fram til 1969. 

Skipet blei restaurert som veteranskip mellom 1981 og 2013. Sjøfartsdirektoratet tildelte i 2013 passasjersertifikat for 99 passasjerar. Skipet har mange salongar og god plass på mange dekk. På turen frå Bergen til Salhus og tilbake kan ein oppleve heile skipet som styrehus, maskinrom og bysse. Det blir strikkesalong om bord og utdeling av strikkemønster, og utlodding av dagspass til Bergen Strikkefestival. 

Byssa til D/S Stord I sel både mat og drikke som bacalao og betasuppe, svele og vaflar, og godt utval av drikke som kaffi, te, brus, mineralvatn, øl og vin.

AVREISE FRÅ SALHUS KL 15.15. Ankomst Bergen/Vågen ca. kl, 16.40.

Orienter deg om D/S Stord I :

Nettsida: www.stord1.no 

Facebook: https://www.facebook.com/STORD1/ 

Instagram: https://www.instagram.com/stord_1/